TOSHKENT DAVLAT TIBBIYOT UNIVERSITETI
1 SON TRAVMATOLOGIYA, ORTOPEDIYA VA HARBIY DALA JARROHLIGI KAFEDRA JAMOASI
T.f.d., professor Karimov M.Yu. 2005 yildan kafedraga t.f.d. M.Yu. Karimov mudirlik qilmoqda. M.Yu. Karimov rahbarligida kafedrada travmatologiya, ortopediya, neyroxirurgiya va harbiy dala jarrohligi, bolalar travmatologiyasi, xalokatlar tibbiyoti fanlari bo‘yicha o‘qitish usullarini tubdan o‘zgartirildi. Fan va ishchi dasturlar yangilandi. Ta’lim jarayoniga multimediali o‘qitish uslubi, yangi axborot texnologiyalari, animatsiyalar, umumiy amaliyot shifokorlari uchun amaliy ko‘nikmalar kiritilgan, standartlarga muvofiq yagona metodik texnologiyalar ishlab chiqilgan va ko‘plab o‘quv-uslubiy qo‘llanmalar chop etilgan. 2005 yildan boshlab tizza bo‘g‘imi surunkali sinoviti, tirsak va tizza bo‘g‘imlari jarohati, mushak-skelet tizimining shikastlanishi va kasalliklarini tashhislash va ortopedik-jarrohlik davolashning yangi usullari ishlab chiqildi va klinikaga kiritildi. Yaratilgan yangiliklarga 10 ta patentlar olindi. Osteoartikulyar tizimning degenerativ-distrofik kasalliklarida osteoporoz muammosini o‘rganish uchun kafedrada «Sonost 3000» densitometri olindi. Uzun naysimon va tos suyaklarining sinishlarini erta reabilitatsiya qilish va minimal invaziv davolanish maqsadida respublikada birinchi marotaba sterjenli apparatning uchta modeli yaratildi, ularni barchasiga patent olindi. Patellaning nostabilligini davolashning minimal invaziv, yangi usuli ishlab chiqildi. Yaratilgan usulga patent olindi. Artroskopning yangi avlodi yordamida yelka va tizzaning bo‘g‘imlari jarohati va kasalliklarini davolash boshlandi. Artroskopiya soni yiliga 50 dan 350 gacha ortdi. Kafedra va klinikada birinchi marta innovatsion osteosintez usullaridan biri BIOS joriy etildi (2013). Operatsion blokiga olingan elektron-optik konvertor osteosintez samaradorligini oshirdi (2013). Operatsiya minimal invaziv usulda bajarila boshlandi va vaqt muddati kiskardi. Kafedra va klinikada birinchi marta tizza bo‘g‘imini endoprotezlash operatsiyasi bajarila boshlandi (2012 y). Son-chanok kasalliklarida, sun’iy bo‘g‘imlarning yangi avlodi implantatsiya qilinayapti.
Hozirgi kunda kafedrada 14 nafar hodim faoliyat olib bormoqda: professor T. f. n., Karimov M. Yu., t.f.n. dotsent Nazarova N. Z., t.f.n. dotsent Gulyamov E. B., assistant, t.f.n, Saloxiddinov F. B., PhD Kayumov J. Sh., PhD Madrahimov S.B., PhD Xolmurodov U.T., assistent Ismoilov N.U., assistent Mirzaxmedov F. M., assistent Qobilov N. R., assistent Ergashov A. Z. assistent Xayitov A. A., assistent Mamajonov Sh. T., assistent Gadoyev K.K.